Chat

POST /v1/chat/completions — konpatib ak API OpenAI a, ak streaming oswa san li.

Paramèt

Nou pa voye n ni best_of: yo miltipliye sa yon sèl demann ka koute, epi rezèvasyon an fèt anvan. Si w voye max_completion_tokens olye de max_tokens, nou li l tou. seed, user, presence_penalty ak frequency_penalty nou aksepte yo epi nou jete yo: DeepSeek pa gen de premye yo menm, epi li retire de lòt yo. Nan plas yo nou voye yon idantifyan pa nou — yon kòd fèmen pou kont ou, ki pa kle ou ni anyen ou voye ban nou — pou kachèt DeepSeek la rete pou ou sèl, pa pataje ak lòt moun.

Rezònman an

Tou de modèl yo reflechi anvan yo reponn, epi sa alimen pa default. Rezònman an vini nan yon chan apa, reasoning_content, akote content. Se repons lan ki nan content — se sa pou w montre yon itilizatè.

Repons JSON

response_format poukont li pa ase. DeepSeek mande de bagay ansanm: mete {"type": "json_object"}, epi ekri mo json nan mesaj system oswa user a, ak yon egzanp fòm ou vle a. San egzanp lan, sa li voye ka pa parse.

Bay max_tokens ase espas tou: si JSON an koupe nan mitan, ou jwenn yon tèks ki pa valab olye de yon erè.

Streaming

Sou yon koneksyon ki dwòp, streaming pi bon: ou wè premye mo yo touswit, epi si liy lan koupe ou kenbe sa ou te deja resevwa.

stream = client.chat.completions.create(
    model="deepseek-flash",
    messages=[{"role": "user", "content": "Esplike sa yon API ye."}],
    stream=True,
)

for chunk in stream:
    delta = chunk.choices[0].delta.content
    if delta:
        print(delta, end="", flush=True)

Yon demann konplè

{
  "model": "deepseek-flash",
  "messages": [
    {"role": "system", "content": "Ou se yon asistan ki pale kreyòl."},
    {"role": "user", "content": "Ki sa ki yon baz done?"}
  ],
  "max_tokens": 800,
  "temperature": 0.7,
  "stream": true
}

Rele fonksyon ou yo

Ou dekri fonksyon ou yo, epi modèl la deside kilè pou l mande w kouri youn. Se sa ki fè diferans ant yon bwat chat ak yon lojisyèl ki fè bagay: chèche yon kòmand, li yon baz done, voye yon mesaj.

Tou de modèl yo sipòte l. Ou pa janm bay nou aksè ak fonksyon an — nou voye deskripsyon an sèlman, epi se kòd ou ki kouri l.

1. Dekri zouti a

const tools = [
  {
    type: "function",
    function: {
      name: "get_balance",
      description: "Jwenn balans yon kliyan / Get a customer's balance",
      parameters: {
        type: "object",
        properties: {
          customer_id: { type: "string" },
        },
        required: ["customer_id"],
      },
    },
  },
];

const response = await client.chat.completions.create({
  model: "deepseek-v4-pro",
  messages: [{ role: "user", content: "Ki balans kliyan 42?" }],
  tools,
});

2. Modèl la mande pou w rele l

{
  "choices": [{
    "finish_reason": "tool_calls",
    "message": {
      "role": "assistant",
      "content": null,
      "tool_calls": [{
        "id": "call_a1b2",
        "type": "function",
        "function": {
          "name": "get_balance",
          "arguments": "{\"customer_id\":\"42\"}"
        }
      }]
    }
  }]
}

Remake finish_reason: "tool_calls", epi arguments se yon tèks JSON — ou dwe fè JSON.parse sou li.

3. Voye rezilta a tounen

// Kouri fonksyon an ou menm, epi voye rezilta a tounen.
// Run the function yourself, then send the result back.
messages.push(response.choices[0].message);
messages.push({
  role: "tool",
  tool_call_id: "call_a1b2",
  content: JSON.stringify({ balance_htg: 1250 }),
});

const answer = await client.chat.completions.create({
  model: "deepseek-v4-pro",
  messages,
  tools,
});

Modèl la ka mande plizyè zouti youn dèyè lòt. Repete etap 2 ak 3 jiskaske finish_reason vin stop — se konsa yon agent fonksyone.

Kenbe demann yo piti

API a pa gen memwa. Chak tou voye tout konvèsasyon an ankò: enstriksyon sistèm nan, chak zouti ou deklare ak tout schema li, chak mesaj anvan, ak tout fichye yon zouti te retounen. Nou faktire tout sa chak fwa — donk yon zouti kòd ki li dis fichye ap peye pou dis fichye sa yo nan chak tou ki vini apre.

• Kòmanse yon sesyon nouvo lè sijè a chanje. Se sa ki bese depans lan plis.
• Pa mete menm fichye a de fwa. Yon zouti ki relì yon fichye ajoute l yon dezyèm fwa nan demann lan.
• Retire zouti ou pa sèvi. Chak deskripsyon zouti se token nan chak tou, menm lè modèl la pa janm rele l.
• Si ou pa bezwen rezònman an, mete thinking: {"type": "disabled"}. Rezònman an se token sòti ou peye, epi li ka pi long pase repons lan.

Sa nou pa sipòte

• Fine-tuning
• Embeddings
• Imaj, son, ak videyo

Nou konsantre sou chat pou kounye a. Si ou bezwen youn nan bagay sa yo, di nou.